19/9/10

Tarta de quesu en fornu

Posted in , by Eli |
Ingredientes:

500 ml nata
1 tarrina quesu tipo marca Philadelphia (yo fáigolo colo del Mercadona y sabe a gloria)
6 huevos
carambelu llíquido (pué usase tamién mermelá al gustu)
2 yogures naturales

Cola midía los vasinos de los yogures:
2 vasinos azucre
2 vasinos llechi
2 vasinos farina

Móu de preparación:

Fácil y cenciello. Bátese too xunto cola batidora menos el carambelu (o mermelá) que se usa pa untar el fondu de un molde que sirva pal fornu.Pónse la mezcla nel molde y tápase con papel d'aluminiu. El fornu tará precalentáu previamente y pue ponése a 200C o 180C. Va mirándose y cuando tea bien cuayáo retírase el papel d'alumniu u déxase unos minutinos más hasta que dore penriba. Déxase enfriár y cómese con cuidáo, porque una vegada metes la cuyar ye un no parar.
25/8/10

Albóndigues d'avena

Posted in by Eli |
Ingredientes:

2/3 de quesu rallao
1 tacina pan rallao
1 tacina copos d'avena natural
6 nueces picaes
3 güevos batíos
1 cebolla rallá
1 diente d'ayu
Cuatro tomates grandes pa salsa
Aceite d'oliva
sal al gustu
perexil

(Puén condimentase con otres especies al gustu)

Móu de preparación
Mézclase too nun bol y faise una pasta cola que se van formando albóndigues (la teúnica, la de tola vida, un trocín a la mano y a facer pelotina).Vamos faciendo una salsina col tomate. Lluéu, dórense les albóndigues na sartén na que previamente se calienta aceite abundante d'oliva. Cuando tan doraínes, fiérvense na salsa tomate.
¡Y a comer!

Pese a lo que puea paecer tan bien riques y nun te digo na si fríes unes patatines y un güevu con elles (si el güevu ye de casa, pa qué quies más).
17/2/10

Arroz con lleche (como m'enseñó mi ma)

Posted in , by Eli |
Ingredientes:

1l lleche
1 pocillu arroz
azucre
1 raspaura de limón
canela en rama
canela en polvo
1 poco agua

Móu de preparación:

Échase l'arroz nuna cazuela y añádese-y un poco agua (hasta cubrir), déxase hasta ferver y que se seque un poco, llueu sácase l'arroz y échase-y per encima un poco agua frío. Con eso elimínase l'almidón del arroz.

Nun cazu échase la lleche, con una raspadura pequeña de llimón y una caña canela en rama. Cuando entama a ferver, échase-y l'arroz (un pocillu por cada llitru de lleche). Déxase ferver a fueu lento, removiendo hasta que l'arroz se ponga blando. Una vegada que l'arroz tea blando, entámase a añadir l'azucre. Échase con la cuyar sopera (entre 6 y 8). Va echándose una cuyar y removiendo durante unos minutos, llueu déxase ferver un par de minutos y añádese la próxima.

Cuando vemos que l'arroz ta blando y la textura ye la deseada, sácase en boles y déxase enfriar (nun meter na nevera al menos hasta que nun tea templao). Pue sacase la rama canela y la raspaura de llimón. Una vegada que tea frío, sírvese espolvoreando per encima la canela en polvu.

Gárrase una cuyar y...¡a disfrutar!
28/1/10

Cremina de brócoli con toque de pimienta

Posted in by Eli |
Ingredientes pa dos persones:
mediu kg de brócoli
mediu kg de patates
1 cebolla
1 l de agua o de caldo de verdures
sal
cominu
aceite
pimienta molío (meyor de lo blanco)

Móu de preparación:

Garramos esa pota a presión que me da la vida y destapada echamos-y dos cucharaes d'aceite y cuando tea calentino echamos un poquitín de cominu (muncho non, pa nun refalfiar y esperamos a que dore. Piques la cebolla piquiñino y añades un pizcu de sal cuando tea el comino, lluéu esperes a que dore la cebolla y se ponga blandina, entos eches en trozos el brócoli y la patata, col agua (meyor si tienes caldo de verdurines que da más sabor)y tapes la pota, dexándolo facese de 10 a 12 min.

Pa finar sácase, pásase too pola batidora, ponse-y sal, pimienta al gustu y sírvese calentino. Como diría mio pá, ta como Dios, pero eso sí, pa estómagos apetitosos merez un segundu platu pa poder fartar.


Esta receta, aunque ta un pelín modificada, atopela na rede na páxina http://eldelantalverde.wordpress.com/

¡Y nun sabéis l'ésitu que tuvo en casa!
22/1/10

Espaguetis picantinos con champiñones (de Laura)

Posted in by Eli |
Ingredientes pa 4 persones:

400 gr d'espaguetis
Aceitunes rellenes d'anchoa
200gr de champiñones
3 guindilles
2 dientes d'ayu
Albahaca
Oréganu
Sal
Aceite d'oliva

Ellaboración:

Lo primero ye poner l'agua a ferver con un puñáu de sal, un chorrín d'aceite y yerbes aromátiques al gustu. Mentanto facemos eso, picamos l'ayu, les aceitunes y los champiñones.
Una vegada que l'agua ruempa a ferver, metemos los espaguetis y removémoslos. Calentamos un poquiñín d'aceite nuna sartén y doramos l'ayu y la guindilla, lluéu, echamos los champiñones y un par de minutinos dempués les aceitunes. Cuando los espaguetis tean nel so puntu, escurrímoslos y echámoslos na sartén xunto col restu ingredientes, removemos a fuéu lento y sirvimos.
12/1/10

Receta pa xente pescetariano: Pixín en salsa d'oricios (de Laura)

Posted in by Eli |
Ingredientes:

Pixín
6 gambes
6 amasueles
Agua

Pa la salsa:

Caviar d’oricios
Farina
Ayu
Cebolla
50 cl de nata llíquido
Vinu blanco
Sal

Mou de preparación:

Ponemos a cocer les gambes y les amasueles. Pa ellaborar la salsa ponemos nuna sartén un chorrín d’aceite y pochamos la cebolla y l’ayu, cuando tea llisto añadimos un plizquín de fariña pa qu'engorde la salsa y doramos un poquiñín. A continuación, añadimos el vinu blanco, la nata y el caviar d’oricios, la sal y dexamos cocer durante 20 min, nos que diremos añadiendo caldu del resultáu de cocer les gambes y les amasueles. Mentanto se fai la salsa facemos el pixín a la plancha. Al sirvir acompañamos al pixín coles amasueles y les gambes , echando la salsa penriba.

Nueva collaboraora

Posted in by Eli |
Nesta xera bloguera y culinaria, voi contar cola collaboración de xente amigo a la que tamién-y presta arremangase na cocina. Como Laura, que yá me pasó unes cuentes recetes. Si daquién s'anima, pué unviar les suyes. Les que nun seyan míes llevarán el nome del autor o autora xunto al títulu de la entrada.