¿Quién soi?
Eli, muyer, 29 años, asturiana, trabayaora, vivo en pareya y soi madre adoptiva de una perrina llamada Telva.
¿Cómo me defino respeuto a la comida?
Agora mesmo soi pescetariana, o lo que ye lo mesmo, nun como nada que camine per tierra o vuele, solamente vexetales, peces y mariscos.
Entamé dexando la carne roxo, lluéu tamién el pollu y otres aves, agora yá nun como tampoco embutidos y similares. Supongo que l'escalón final ye quedame nel pescetarianismu o faceme vexetariana.
¿Por qué un cambiu de hábitos alimenticios?
Por razones étiques, medioambientales y de salú...¿quién da más?
¿Por qué un blogue?
Toi afondando nel universu de la cocina pa meyorar la mio alimentación y algamar una variedad que compense la falta d'inxesta de carnes y, si nun lo apunto, escaezo toles recetes que me cuenten o que m'invento.
Nesta xera bloguera y culinaria, voi contar cola collaboración de xente amigo a la que tamién-y presta arremangase na cocina. Como Laura, que yá me pasó unes cuentes recetes. Si daquién s'anima, pué unviar les suyes. Les que nun seyan míes llevarán el nome del autor o autora xunto al títulu de la entrada.
Bienveníos/es y buen provechu.
Suscribirse a:
Enviar comentarios (Atom)
Anónimo
tas como una llaferia,con lo bien que sabe la carne roxa asturiana y los callos de mio suegra; ¡tas chifla! un carnivoru empederniu.
11/1/10, 2:01
Tin says:
j ajjaajaj que buenu!
esti ye'l meyor blogue cocineru-vexetarianu que ví na mio vida...!
un saludu y que nun muerra!!
p.d.: el diseñu presta en forma. Tienes un artista ehí...
11/1/10, 2:02
Eli says:
Gracies pola bienvenida, Tin. El diseñu, como apuntes, ye cosa del artista de Ricardo (a quein aprovecha pa da-y les gracies). Agora a ver si te animes a preparar dalgún platu!
Y al Anónimu dici-y que pruebe dalguna d'estes recetes que toi segura que-y diben presta-y muncho ;)
11/1/10, 2:04
Anónimo
Acabo de descrubrite. Gracies pol blog! anque voi siguir cola carne de xatu y güe, siempres vien bien recetes vexetarianes pa complementar la dieta.
Te seguiré, un saludu.
26/8/10, 17:03